نعي اول ايام محرم
-----------------------------------------
اجة شهر الحزن وتكدر الكون
ودموع الحزن هلت بالعيـون
الشيعي بمصاب حسين محزون
شلون بحال مهدينا ابهامصـاب
--------------------------------------------------
صباح وليل ينعى مصاب جـدة
عليه من دم تسيل دموع خدة
ياله الكون شو طالت المــدة
عجل بالفرج مليــــنة الغياب
----------------------------------------------------
توالتنا المصايب ياولينــــــــة
هل عاشور بــــهلالة علـــــينة
وفكَدنا احباب راحوا من ادينــة
على جدك ننوح وفكَد الاحباب
----------------------------------------------------
چم شاب انحرم من هاي الايام
چانوا بالمجاس همـة كل عام
شباب هواي شـال وبالكَبر نام
يحيون المجاس چانوا اطــياب
----------------------------------------------------
هذا الراح ابوه وهذا اخـــية
وهذا الفاكَد ابنة ابهالمـسية
مواكبهم بكت وحشة وخلية
ناموا بالنجف يم داحي الباب
----------------------------------------

أسالكم الدعاء #رائد #الاسدي




@HxzEU1

قناه نشر القصائد المنبريه

نزله

ما خاب التمسك بأم الابنين

...1...
ماخاب التمسك بيهه ...
بيبان الفرج بيديهه ...
اقره الفاتحه واهديهه ...
وانظر شنهو الافعال

بس حلفهه ببن الزهره ...
تقضيلك حوائج كثره ...
كلشي ابالك تحل عسره ...
معروفه ام الابطال

كل حاجه ابالك تكضيهه


...2...
ما تخلف وعد معروفه ...
شاهدهه الكطيعه اجفوفه ...
البيهه اتنخه ابد متعوفه ...
هاي ام الكمر هاي

الله انطاهه اعظم رتبه ...
كلمن يعتنيهه ابكلبه ...
تنطي كل طلب الي طلبه ...
اشوية عدهه الهواي

طيبه امن اولهه التاليهه



....3....

بدوية ونعم بدوية
ثلث انعام يمهه اشوية
باب الله الوسيعه هيه
مترد طالب امراد

الله امبارك ابمنزلهه
كل صعبه تجي اتسهلهه
كبر المشكلات اتحلهه
هيبة بنت الاجواد

تحضر كل شده اتمر بيهه




...4...

بالحظ والبخت نتكلم
تاريخ الوفاء الهه اسلم
اول وحده بصمت بالدم
لحسين ابن الاطهار

صورة ارسمت العفتهه
لحسين اعكدت شيلتهه
كلهه اتسولف ابوكفتهه
ضحتله اربع اقمار

ما رفت جفن اعله ابنيهه


...5...

هنياله الصبح خادمهه
عالي الشأن يصبح يمهه
الحاضر كل وكت مأتمهه
فاز بدنيته ودين

يالخدام علكو الراية
واعليهه اكتبو الوفايه
خل ننطي الكفيل احجايه
خدام ام الابنين

لاخر انفاس انوافيهه

.....
تمت


كلمات
موسى الخادم

علگنه اشموعنه ابـيبان البيوت
وحشه والحچي بعيونه يموت
وبالدمع النسيله
نواسيها العقيله
ــــــــــــــــــــــــــ
وحشه چانت عالهواشم .. ليلة الحادي عشر
ترسن الگاع بـدمعهن .. مثـل زخـــات المطر
بالدمه حنن اديهن .. وخاطر ام عون  انكسر
اليله ماظل والي يمهن .. يدفع الضر والخطر

بس زين الاعباد وخاينـــــه الحــيل
الشاف حسين صدره داسته الخيل
بـالمهدوم حـيله
نواسيها العقيله
ــــــــــــــــــــــــــ
يخـــلص الليله عزانه .. ونــرد للبيت ونـبـات
ومن ندگ الباب احنه .. محله ملگاها البنات
لاچـن اليله الفواطـم .. بـالبـراري هايـــــمات
خيمه ماظلت تلمهن .. كالـــورود  امـطشرات

ومحتاره العقيله تلمهن شلون
تلــم اهنا يتامه اهناك يرحون
باللطمه الثـجيله
نواسيها العقيله
ــــــــــــــــــــــــــ
الليله شدتـــها چـبيره .. وابد ما الهه شِبه
والهواشم عالوطيه .. نايمين اعله الوجه
لا حسین ولا بو فاضل .. من تحشمه ينتبه
بت علي لا وين تگصد .. بعد والمن تتجه

ياليلة الوحــشه اشـگد رهـيــبـه
ومصيبه بيها اعظم من مصيبه
گبل ركب الهزيله
نواسيها العقيله
ــــــــــــــــــــــــــ
الليله حيرتها اشكبرها .. أمصيبه ابد ماتنحمل
تـركض اتـلم الفواطم .. تـفگد اهنـــاكه طفل
اتخاف من نار المخيم .. باليتامه تـشتــــعل
راحو الچانو سترهه .. وبعد شيــــلم الشمل

بت حيدر علي حامي الحميه
صارت مثله بارض الغاضريه
بحزن ماكو مثيله
نــواسيها العـقيله
ــــــــــــــــــــــــــ
اهناك لن شافت سواده .. والــرعـب تـــتـخيله 
اتگله كافي المر علينا .. وصوت سمعت بالفله
لن علي ايگله يـــــزينب .. اليله اجيت الكربله
نــامي وارتـــــاحي يبويه .. آنه احامي العايله

وعيـن ام الخدر ماتـــاخذ النوم
وسلبو من ابو السجاد الاهدوم
عله المحد يشيله
نــواسيها العقيله
ــــــــــــــــــــــــــ
حيدر بشار الدراجي

على حب الجواد
اجتمعنا ابلا معاد
ـــــــــــــــــــــــــــ
مجتمعـه: هاليلـه: شيعـــــة فاطمـــه
على حبها: وحب حيدر: حماي الحمه
للمجلس: عطشانه: ومساها الضمــــه
للـمجلس ..  هالوادم  : تحظر هايمـه

رزق رب الـعبـاد
اجتمعنا ابلا معاد
ـــــــــــــــــــــــــــ
توفيقه  : من الله: البالموكب خدم
واليخدم: هنياله: والناصب خيــــم
والگاصد  ،: للحظره: والشايل علــم
الما عايش: هالعالم: ايامـــــه عـــدم

وحق باب الــمراد
اجتمعنا ابلا معاد
ـــــــــــــــــــــــــــ
محلاته   : المعزب: والـنادى هلـــه 
متعلم  : هالخدمه: من طف كربله
السد بابه: وتحــــزم: يــخدم هالملـــــه
هالخدمه   : بحيل الله : تكون امسجله
وعلينــه هذا زاد
اجتمعنا ابلا معاد
ـــــــــــــــــــــــــــ
للكاظم.. نيتنه.. والأبن الرضـــه
لبوجعفر: حنينه: نطلب موعظه
يجمعنه: هاليله: ابن المرتضـــــه
يسمونه.: خليهم.: ذوله الرافضه

وجمعنه اليله عاد
اجتمعنا ابلا معاد
ـــــــــــــــــــــــــــ
يالماشي: من تمشي: خليـــك بـحذر
موجائز  : البصفك  : يمشي المنتظر
واتمعــن: من تمــــــشي: ركز بالنــظر
وادعيله  : بكل خطوه:بوقات السحر

نندبه امن المهاد
اجتمعنا ابلا معاد
ـــــــــــــــــــــــــــ
حيدر بشار الدراجي

گلبي بفرگتك ذاب بعدك يالولد شاب
يبني ياعلي ياريحة هلي
بعدك يالولد شاب
****
يانبضة گلبي شمعة دربي ولب حشاي
جانت احلامي كل ايامي تضل وياي
الطف اجاني منين فرهد غوالي
جيت بضعن مهيوب تالي شبقالي

ماحِسبت اعوفك مذبوح ابني اشوفك
ماعندي ولي ياريحة هلي
بعدك يالولد شاب
****
يااحلى ايامي وبيك احلامي من اصباك
يالاكبر تدري النار بصدري من فركاك
موسهله يبني تروح وبتالي عمري
جمر الهجر ذباح ودموعي تجري


دمعاتي الجريه يل رحت امن اديه
ونتي تعتلي ياريحة هلي
بعدك يالولد شاب
****
الطف فرهدكم من عطشكم يهل الزود
يالب احشاي تريد الماي جبدك ممرود
امنين اجيب الماي يوليدي منين
رد للحرب عطشان يبني وضوه العين

كلما انضر الكم الطف ذبل وردكم
بفگدك مبتلي ياريحة هلي
بعدك يالولد شاب
****
من كالو طاح بطعن رماح ابنج مذبوح
فزيت بدمعه وجيتك انعه وكلي جروح
الفاكد ولد ياناس من حكه لو ناح
راسك اشوفه شلون رافعته الأرماح


موتك عذباني يازهرة زماني
جرحي الأولي ياريحة هلي
بعدك يالولد شاب
****
طولك انضرله مگطع كله يالمذبوح
فايض من دمك يابعد امك ليش تنوح
من جابوه ابوه حسين بين المجاتيل
حنيته شيب الراس من دمه اليسيل


ياجرحي بغيابك شلون احمل مصابك
تشمت عاذلي ياريحة هلي
بعدك يالولد شاب
****
يادمعي الماجف وجروح الطف ينبي هواي
ابني مگطعينه اشتاق لعينه مو للماي
اشتاگ الك والروح يلهب جمرها
المثلي افگدت أعزاز شينفع صبرها


المر اتجرعيته ابني ضيعيته
بعدك ياهو الي ياريحة هلي
بعدك يالولد شاب
****
علي محسن الفرطوسي

دارت سنة وتانينه.....ولمجلسك حنينه
تلكانه كل عام..........يحسين خدام
ـــــــــــــــ
مو سالفه دمعة وعين دنياي الك وآخرتي
يل خدمتك رفعة راس تقبل علي جائزتي
بالدنيا ملتهية الناس وانته الصرت سالفتي
جمرك حوافر يحسين وانقشت بذاكرتي
خدامك التمينه.......... ولمجلسك حنينه
نرفع لك اعلام..........يحسين خدام
ــــــــــــــ
ممنون الك يا مولاي هاي السنة تخليني
لهاي المجالس يحسين تكض ايدي وتدليني
تاخذني دنيا والكاه نورك نبي ويهديني
وين انطي وجهي بلياك من غيرك يلفيني
ونة عشك ونينه..........ولمجلسك حنينه
شما دارت ايام..........يحسين خدام
ــــــــــــــ
هالنفس ما تصفى وياي ممشاها بالمكلوبي
كلشي اخسر وكله ايهون كونك تضل محبوبي
لمن ازورك مشتاك ما تباوع اعلى اذنوبي
منك ارد صافي البال متروسه خير جيوبي
خدام الك ضلينه..........ولمجلسك حنينه
عفناها الاوهام..........يحسين خدام
ــــــــــــــ
دليتني اعلى الطيبات طبعي يصير انساني
خليتني احجي الزينات واحمل ظلم جيراني
ما اشيل غيض اعلى الناس وي اهلي مو عدواني
ما ادنك لباطل راس واتواضع لخواني
باخلاقك تربينه..........ولمجلسك حنينه
باخلاق الاسلام..........يحسين خدام
ــــــــــــــــ
قرأن اشوفك مذبوح يقره النحر آياتك
كل آيه اسمعها تصيح يبن ادم اقضي الفاتك
فرصة العمر يا مسكين واتعلم امن اموتك
لا يغرك اسمك يفلان ما تنحسب عثراتك
بحمايتك نادينه..........ولمجلسك حنينه
وانعيش الآلام..........يحسين خدام
ــــــــــــــ
نعيم ابو باقر الساعدي

قصيد بحق ابو الفضل العباس عليه السلام عن السيدة زينب عليها السلام



عظيدك وين    خوية لوحدك جاي

------------------------------------

واعدني يجيني بشربة المـــاي

اشوفنك تكفكف دمعك حــذاي

عليمن كاض خاصرتك يــوفاي

اشو ظهرك تكَوس وانحنى هواي

تحاچيني يخوية ونور عيـــناي

يبعد اختك تكلي شبــيه رجواي

مدري شبيه حالك مرد چـــلاي

تتانيه الطفال وجتك ويــــــاي

اشوفنك يخوية امتــيه الــراي

ابعيني ظلمت ياخــوية دنياي

عليه الطم واهل دمـوع عيناي

اخذني وياك اگلة انريد حـماي

لنوح عليه ماهود مـن بـــــچاي

انهدم حيلي يخوية بجيتك هاي

******
أسالم الدعاء رائــد الاسدي

طوفان دنيا وحبك اينجينه
نركب سفينة خدمتك خلينه
خدام غيرك تنهان
بس اليخدمك سلطان
ـــــــــــــــــــــــــــ
نبي نوح انبعث رحمة
رسول وينصح الامة
ويجذبونه
يريد ابدينه يهديهم
بشر ضد اليدليهم
يكرهونه
بزمانه اشكد اكو غشمه
اليطفي الشمعة بالظلمة
عمه اعيونه

وانته وارث نوح قبلك آمنو بيه القليل
بس فرق بينك وبينه هواي لو دمك يسيل

آمنه بيك وصحنه يا هادينه
نركب سفينة خدمتك خلينه
العافوك كلهم عميان
بس اليخدمك سلطان
ـــــــــــــــــــــــــــ
الاله بحكمته عادل
بشر مو كلها تستاهل
تشوف الحگ
سفينة يؤمره يبنيها
نجاة الآمنو بيها
البعض صدك
بوكتنه انته سفينتنه
أمان امن الله خدمتنه
ولا نغرك

حسين أوسع باب تدخل منه كل المذنبين
انته مصباح الهداية ونور يهدي التايهين

لو تهنه نورك سيدي يدلينه
نركب سفينة خدمتك خلينه
كلمن يعوفك خسران
بس اليخدمك سلطان
ـــــــــــــــــــــــــــ
اذا واحد يعيش ابذل
ابد نور الله ما يدخل
كلب اظلم
يشوفون النبي الوادم
سفينه يبني مو واهم
اضن يحلم
اعلى خدمتنه اشكثر كالو
علينه كفرو وغالو
ولا ونهتم

بس لطم ما شفنه منكم كالو الما منجوين
حكهم شيدرون بينه واحنه جننه الحسين

بيوم القيامه حسين يهتم بينه
نركب سفينة خدمتك خلينه
العاداك حصته النيران
بس اليخدمك سلطان
ـــــــــــــــــــــــــــ
اليدليه عا الدرب اعمى
يخلص عمره بالضلمه
الحكم كالت
صدر أمر الله وانفتحت
سما سيول وغضب مطرت
الارض فاضت
نجى نوح وحفظ ربعه
اليصدك بالنبي اينفعه
وقصص صارت

واحنه شفنه الدنيا غركت بالفتن والمغريات
كل شي ما ينفع عرفنه حسين بس انته النجاة

لو تهنه منك ياهو الي ايدلينه
نركب سفينة خدمتك خلينه
والله اليعوفك غركان
بس اليخدمك سلطان
ـــــــــــــــــــــــــــ
اليحبك صدق اعماله
جهنم فنها تدناله
وتمس جسمه
بأسامينه انته تعرفنه
بخدمتك ربنه شرفنه
الشرف خدمه
علينه فايضه افضالك
نطب للجنه ابجالك
يبو النعمه

الخير ممدود بسفرتك ما ترده اليعتنيك
ما ترد مكسور كلبه وياخذ امراده اليجيك

ليوم القيامه ابخيرك اتغطينه
نركب سفينة خدمتك خلينه
والشاف غيرك ندمان
بس اليخدمك سلطان
ـــــــــــــــــــــــــــ
نعيم ابو باقر الساعدي

ما بيها خير الدنيا من دونك
عميه البصيرة الما يشوفونك
يا واهب النعم.. اقبلنا الك خدم
ــــــــــــــــــــــــــــ
شفت بيك الحقيقة ابلا فراغات
توديني لخلودي ابلا متاهات
طريق اخضر عدل ما بيه مطبات
حقيقة الي يموت وياك ما مات

كل من عرفها يصير مجنونك
عميه البصيرة الما يشوفونك
يا صاحب الكرم.. اقبلنا الك خدم
ــــــــــــــــــــــــــــ
تموت الامنيات ابصم الاتراب
واذا تنسى اليموت اهواي الاسباب
لكيت بكربله مكلوب الاحساب
نحر مكطوع لكن يكسر اركاب

وين الطغاة الي يعادونك
عميه البصيرة الما يشوفونك
انته اعظم القمم..اقبلنا الك خدم
ــــــــــــــــــــــــــــ
طبيعية التخونه الناس مكسور
ولا واحد يخون حسين معذور
صدك بالطف محمد شفته منحور
ولكيت النحر صاير مصدر النور

فوك الرمح شامخ يرفعونك
عميه البصيرة الما يشوفونك
بكل بقعه الك علم.اقبلنا الك خدم
ــــــــــــــــــــــــــــ
يقين بهاي عندي وصار ايمان..
اشوف اعيون عدها وتمشي عميان
ورها اتاكدت والحجة برهان
عرفت الي يعوف حسين خسران

غشمه وحياره الي يعوفونك
عميه البصيرة الما يشوفونك
يا وارث القيم. اقبلنا الك خدم
ــــــــــــــــــــــــــــ
اذا عاشك تسأله اتكله شتريد
يكلك انتظر ساعة مواعيد
وانه المحبوب يمي وشوكي اله يزيد
واذ محتاج شغله ايحطها بالايد

ميت واعيش بنظره اعيونك
عميه البصيرة الما يشوفونك
بغيرك نضل عدم .. اقبلنا الك خدم
ــــــــــــــــــــــــــــ
نعيم ابو باقر الساعدي

جديد
رباطات في شجاعة العباس



شال احوالة .. شال احوالة.. شال احوالة
حمل والجيش كلة شال احوالة
=====================
تارسة الهيمة .. تارسة الهيمة .. تارسة الهيمة
ادين وروس منهم تارسة الهيمة
====================
فوكَ عدوانة.. فوكَ عدوانة .. فوكَ عدوانة
مطر غيض ومراجل فوكَ عدوانة
=====================
ما يلاگونة .. ما يلاگونة.. ما يلاگونة
صعد دخان راسة ما يلاگونة
========================
مات من خوفة.. مات من خوفة.. مات من خوفة
التگابل وي سيفة مات من خوفة
========================
مايطخ راسة .... ما يطخ راسة.. مايطخ واسة
يطخ الكون كلة وما يطخ راسة
=======================
=======================

رباطات بعد مقتل العباس
======================
طاح بالحومة.. طاح بالحومة .. طاح بالحومة
عطش ويفور گلبة طاح بالحومة
======================
وما اطة بجودة.. وما اطة بجودة.. وما اطة بجودة
يسار يمين اطة وما اطة بجودة
======================
صايبة ابعينة.. صايبة ابعينة.. صايبة ابعينة
اسف سهم المنية صايبة ابعينة
=======================
طار الهامة .. طار الهامة .. طار الهامة
عمود الشوم ويلي طار الهامة
=======================
صاح يا خوية .. صاح يا خوية.. صاح يا خوية
لخوه حسين مرة صاح ياخوية
========================
========================

رباطات عن السيدة زينب عليها السلام بعد فقد العباس عليه السلام
=====================

حيل مالومة.. حيل مالومة.. حيل مالومة
يعباس انة اخيتك حيل مالومة
=====================
طاح كفالي.. طاح كفالي.. طاح كفالي..
عمود الخيمة طايح طاح كفالي
=======================
طايحة الراية.. طايحة الراية.. طايحة الراية
اصد صوب الشريعة طايحة الراية
=======================
متانية سكينة.. متانية سكينة.. متانية سكينة
على امية بخيمها متانية سكينة
=======================
راح ما جانة.. راح ما جانة... راح ما جانة
نريد الماي منة راح ما جانة
=====================

أسالكم الدعاء رائد الاسدي

قصيدة لقضاء الحوائج وشفاء المرضى جديد


سائل اجيتك يا حُـــسين العافية
خادم يدكَ بابك ابنيتة الصافية
يالتعرف ابنيتي حققلي امنيتي
______
يالعزيز اعله الله اسألك وانته باب الله الي
بجاهك العد الله اطلب وأسأل العالي العلي

تسمعني يا ابــــو اليمه ادري وجوابك رحمه
اسأل تشافي كل داي او كل مريض اتسلمه
يحسين اسألك وانته دمعة بعيني
مـــــن البلاء وكل مـــــرض تشفيـــني
احفظني لبيتي حققلي أُمنيتي
_______
كل مـــرض يعحز العالم عــــــــنه ويحير العقل
شوية من تربتك يشفه وبالعلاج اشكَد سهل

حتى العلكَ ماينقاس من حظرتك يشفي الناس
شده اعله ايدك وانخاه بصادق النيه وإحساس
يالتستجاب ابكَبتك كل دعوه
يا ابو الشهامه والكــرم ومــروه
اشمرله چفيتي حققلي أُمنيتي
______
يوصل لاعلى المراتب الطب ويوكَف بعد
بس ابو السـجاد عنده مرتبه ما الهه حد

يدخل ضريحك معلول اعمى ولونه مشلول
حتى الخبيث اتشافيه صحه وسلامات اينول
آيا حُســـــــــــين ابلهـــــــــفة لو كَلــــناها
ابحركَت كَلب من تطلع شمحلاها
سلملي عافيتي حققلي أُمنيتي
_____
يم ظريحك لمن اوصل بيه اشمن ريحتك
ايــــــبلل الشـــــباچ دمعي يا حُســين امروتك

الزم ابشباچك حيل ودموعي عالخد تسيل
اتوسلك يا مـــــــولاي عدك يبو اليمه دخيل
عبدك واجيتك وانته تدري ابحالي
رايـــــــــد طلــــبتي يا حبيـــــبي الغالي
بالشدة عوچيتي حققلي امنيتي
________
سر عجيب الي بحظرتك يختلف كلشي تحس
جــــنة الله ومـــــن تطــــبها بيها ترتاح النفـــــــــس

يمك رفعت ايدية واطلب بصافي النية
ابدي بسلامي وادريه ايرد السلام اعلية
مـــــن عـــــــندة ما اشـــــبع ولا املــــنه
امشي بطريقه وادري دربه الجنه
من عندة تربيتي حققلي امنيتي
______

أسالكم الدعاء رائد الاسدي

#قصيدة_للخدمة_محرم_الحرام

خالقني ربي لحضـــرتك
تاج اعله راسي خدمتك
حسيـــــــن حسيـــــــن حسيـــــــن
ــــــــــــــــــــــــــــــــــــــــــــــــــــــــ
بعالم الـــذر و اعلنت ولائي
و قررت ترخص الك دمائي

يحسيني قبــل التَكوين
چنت اقره باللطمية
و دموعي تنــــزل ترتيل
عن زينــب المسبية
و بين الرَحَم و الاصلاب
بـانيــلك احسيـــنية
عن طفلتك باچي دموم
و لاطم عله الترچية

ابمجلس عزائك مستمِر
و ناذر الــك عمــري نذِر
حسيـــــــن حسيـــــــن حسيـــــــن
ــــــــــــــــــــــــــــــــــــــــــــــــــــــــ
طفل احبي و احضـر ابعزائك
امن أمي راضع حزن كربلائك

تاخــــذني أمـي ازغيـــرون
لَمّن تــــــروح أقراية
و عالفطـــرة ألطـــم مـولاي
وي لطـــــــمة الملاية
باسماعي چن سكنة تصيح
جود الگُمر شـح ماية
و اعله النـــهر مات حسين
من طاحت النّه الراية

من زغري ادعي ابمأتمك
وين الله اصيرن خادمك
حسيـــــــن حسيـــــــن حسيـــــــن
ــــــــــــــــــــــــــــــــــــــــــــــــــــــــ
لشاطي حُبك لملمت نوارس
والِدّي رَبّاني عالمجـــــــالس

من والِدي اعرفت اشلون
المجلس أشد احزامه
بالنـــزلة وَيّه الـــــــرادود
ماخـــــــربط اللطامة
و علمّني ضَـرب الزنجيل
و شلون اگض القامة
و مُصباحه عاشر عاشور
لازم أدگ الهـــــــامة

و علمّني فلسـفة الدمة
بطبرات أواسي فاطمة
حسيـــــــن حسيـــــــن حسيـــــــن
ــــــــــــــــــــــــــــــــــــــــــــــــــــــــ
و من كُبَر عمري و بده شبابي
زادت اوجــاعي و كثَر عذابي

ابكل منبر اسمـــع ينعاك
رادود اطيــح امهدّم
و بالمجلس اگعد بالباب
و وگت اللطــم اتقدّم
يا ويلي داسنّك خيـــل
چا ضلعي خل يتهشّم
و لنحرك الصاعد فوگ
خل نحري ينزفلك دم

شما اسمع بطـاري الرمح
من هضمي لاجلك انذبح
حسيـــــــن حسيـــــــن حسيـــــــن
ــــــــــــــــــــــــــــــــــــــــــــــــــــــــ
عالگُمر مستشـــــــعر بونينك
و اعله عبدالله عشت حنينك

و لعلي الأكبـــــــر مولاي
وَيّاك احس باللـــــــوعة
و لجاسم و عرس النوح
بعيوني اضوي اشموعة
بسبي الحــرم و الاطفال
روحي أنسبت مفجوعة
و الگلب من درب الشام
نبضاته ما مسمــــــوعة

لــــو اسمع ابونة طفل
مثل الخيم نار اشتعل
حسيـــــــن حسيـــــــن حسيـــــــن
ــــــــــــــــــــــــــــــــــــــــــــــــــــــــ
وي العليلة كـــل وگت اتاني
و اعله أُم الأربــــــعة اعـاني

يا يوسف احلامي شلون
شَيَّب گلـــب يعگوبك
ابيض صُبَح فص عيـناي
و لا جتني ريحة ثوبك
وين انتظـر جرحك وين
تاهـــــــن عليَّه ادروبك
سايم عليـــــــك الزهراء
لا تگطع ابمحبــــــوبك

بحبك ضعن گلبي رِسه
و انته الهــوى الاتنفسه
حسيـــــــن حسيـــــــن حسيـــــــن
ــــــــــــــــــــــــــــــــــــــــــــــــــــــــ
الحمدلله
#علي_حسين_الكناني

راحت ايام - ردت ايام
واحنه وّياك
واليلومون- ما يحسون
من عشكناك
عشكك هدانه.....جمرك جوانه
من عشكناك
ـــــــــــــ
الهوى الما شم عبيرك يبقى مخنوك
ولا شفت الدموع لغيرك تلوك
يعيش الما يحبك هدم محروك
مثل شجره بجزيره ومالها عروك
راحت اسنين
واحنه باقين-ما نسيناك
واليلومون-ما يحسون
من عشكناك
نورك ضوانه..... جمرك جوانه
من عشكناك
ـــــــــــــ
الك بكلوبنه بكل ساعه عاشور
غشيم العاف دربك اعمى معذور
ولا اضنه اليعوفك شايف النور
مثل طير شيطيره وجنحه مكسور
العافك يحير-العاشك يصير
نجمه بسماك
واليلومون - ما يحسون
من عشكناك
تضوي بسمانه..... جمرك جوانه
من عشكناك
ـــــــــــــ
شفت بس اليعشكك ضاك الافراك
يحس اشما يشمك بعده مشتاك
الشرب من ماي غيرك كل شي ما ضاك
صعب يفهم حجينه تفهمه عشاك
اشرب الماي - وانته وياي
واذكر اشفاك
واليلومون-ما يحسون
من عشكناك
تجري بدمانه..... جمرك جوانه
من عشكناك
ـــــــــــــ
يمصباح الهدى وخورست الاوصاف
اليسد عينه اعلى نورك كل شي ما شاف
تندك الروس يمك كلها الاشراف
ويرد راضي الفقير امأمن الخاف
مالك كلوب – صارت تذوب
فطره تهواك
واليلومون - ما يحسون
من عشكناك
بيت احتوانه ....جمرك جوانه
من عشكناك
ـــــــــــــ
اشوفنك حلم بعيون الاطفال
صدك حبك أمانة بثكل الاجبال
اليحبك دمعته اترجمها الاعمال
ورث كامت تسلمه اجيال لاجيال
الحاربك وين - وانته يحسين
باقي شفناك
واليلومون - ما يحسون
من عشكناك
حبك أمانة .... جمرك جوانه
من عشكناك
ـــــــــــــ
نعيم ابو باقر الساعدي

ياحبيب جروحي..
.......................................................
حبك خلاني انسان
اطيني شويه حنان
يا مولاي العطشان.... حسين حسين

خذني يمك لا اضيعن
هاي وأدم مو صدك
بسترك ارد ابجي واهيمن
واقره لعيونك عشك
مدلي جفك وهم أريدن
تزيدني لحركه يلمتعبك سحك

اعميهن العين.. لو صاحو احسين
بصايتك مولاي.. كل احنه ماشين
...................................................
بضلك كل هاي الوادم
ولعيونك انه نادم
احسبني يحسيني خادم... حبيبي حبيبي


مدلي جفك لا اتيه
ابين عالم غافلين
افتحلي كلبك خل اجيه
وانته مولا التأبين
خذني يم حبك ابيه؟
ياا ملاذ التأهين

مذنب ترجاك.. بخيام ينخاك
بسترك يلحسين .. كل طفل ينعاك
....................................................
يا مصدر كل جروح
يجري حبك بل روح
بس انت بكلبي تفوح.. حسين حسين

البد بسدك وخافن
خاف ذنبي يجرحك
وي نجوم اليل انامن
ادري ذنبي يلجمك
وماي العيون شويه رادن
دمع لرسومك وكلبك


اثغب يمولاي... بسدك يسلواي
ياجرحي الجبير.. وشديته بحماي
....................................................
بس وياك انه اريدن
عمري اكضي شريدن
لحبك هذا شهيدن... حسين حسين

ويل فييت للعالم
جا بلكت تفييلي
يل بل سحك ما سالم
فدوه يروحلك حيلي
بحبك عايف الوادم
مانمته الك ليلي

احبك ياحبيبي.. ياخلي وطبيبي
ياواهس للعيون.. كثرلي بنحيبي

حيدر صلال ✍️

https://www.tg-me.com/الناشر مصطفى المياحي/com.hxzeu1

‏مقطع صوتي من عمار الشغانبي

أمن يجيب المضطر .. رجعلي ابني الأكبر
لو يبقى لو اموت وياه .. ما بيه اشوفه موذر
____
يعين الله اليروحلها ابن مثل ابني هم امسنع
وبي تدري لو طب للحرب لخيمتها ما ظن يرجع
گلوله امك تدعي الك من الليل حتى المطلع
چا هسه وينك ما شفت نجمة بريقك تلمع

گلب اليتاني امفطر .. يا يمة لا تتأخر
العذبني حيل ابفرگاه .. ما بيه اشوفه موذر
__
عدنا أربعين من الشبه بس ابني يشبه جده
ماكو بجماله من البشر لا گبله اكو و لا بعده
كون ايتبرگع لو طلع خاف العيون اتحسده
دعوة غريبة و فاگدة يا ربي كون اترده

عطشان گلبي اتصحر .. و بعيونه اشوف الكوثر
بس لا اعيشن بلواه .. ما بيه اشوفه موذر
__
روحي و ضناي و هيبتي كلش عزيز و غالي
اذكر گبل لو ينخدش ما يستچن دلالي
ما اريد اشوفن بي جرح لو بس خيال ابالي
غير أنه اموت بساعتي لو شفت راسك عالي

ما اريد اشوفن منضر .. عالرمح راسك واحمر
لا لا اعوذن بالله .. ما بيه اشوفه موذر
___
يا ماي العيون اشكثر چنت ادعي وكت المغرب
يا ربي خليلي علي ما بيه اشوفه امغرب
گالولي ماذيك العطش ارجع و اصيرلك حِب
بس لا تضل اعله الترب لطعن الرماح معزب

يبني علي يمشكر .. دونك اضل وين اگدر
و الچنت ابوسن يمناه .. ما بيه اشوفه موذر
___
يوليدي من يوم الصرت متعلگة روحي بروحك
يا جبل و احلام العمر خضرن بين اسفوحك
لا سامح الله و نفترگ و سيف المنايا يلوحك
بگلبي و مشاعر غربتي ابقى أنه اشيل جروحك

شلون بخيالي اتصور .. تسگي الرماح ابمنحر
العايش بروحي اشينساه .. ما بيه اشوفه موذر
___
عباس حسن السوداني

((مولاتي شريفه))


من عفتچ صار الشرف
يالما يغض منـچ طرف .. يوم المحن
يَـــــم الكرم والمعــرفه
يابت كــــريم الطــايفه .. ذاك الحسن

مولاتي ياشريفه ...

"""""""""""""""""""""""""""""""""""'''''''''''

من عالم الحب والعشگ
يـــالحبچ بگـــلبي يــدگ
بابـــچ حــــديث المغفره
ياوردة الله المـن صدگ

من أيسو گــــالو بعد مـــــانصحه
والبي جرح عاف الشماته تجرحه
گلــــوله اگـــصد للطبيبه الـــزينه
وحلفها بـــــالضلت دمعته برمحه

كلمن گصدها بت علي
يرد حيله ذاك الأولـــي .. ومـابي ألم
چن توه طـــالع للصـبه
خل ينسه أيـــام الــعبه .. حيله وسلم

مولاتي ياشريفه ...

"""""""""""""""""""""""""""""""""""''''''''''

يالهفتي وجرحي ندي
يالحزني بيكم سرمدي
مـن أذكر ايـــام السبي
وأسمع شتايم كل ردي

يالشفتي بعــيونچ ليالي العـــشره
كل ليله چانت يــاشريفه مگــمره
بس ليلةّ الحــادي سواده وظـلمه
وكل السوالف من همسكم سمره

تغمضين لوهب الهوه
تخافين يـــــاأم الدوه .. من العده
مچويه وبگلبچ رعـب
لاخيمه والدنـيا غرب .. جرحچ بده

مولاتي ياشريفه ...

"""""""""""""""""""""""""""""""""""''''''''''

مــــن المحــامل والأبل
صار المسـير اعله الهزل
بزر الزجيه اعـــله الثرى
چفچ وچف سكنه بحبل

من تعثر النــــاگه النـــضر يتعثر
عطر النبــــوه يـــالسكــنتو بيابر
قطر النـدى مايعبر وضل واگف
ومن تعطش الورده بندى تتفطر

وبحسرتچ نــار الـــخيم
وراح الضــعن هـم وألم .. كله دمع
وي عمتج ضگتي السبي
واللوعه بطـــراف العـبي .. ماتنسمع

مولاتي ياشريفه ...

"""""""""""""""""""""""""""""""""""'''''''''''

ويــــه العدى عشـرةّ ضرب
وعليــچن شطـــوله الدرب
تغفين وأنتي اعــــله الهزل
اطيحين صعبه اعله الترب

كل ذكرياتج خلــصن مچويه
بنت الحسن مولاتي يالعلويه
چانت رقيه گلبي خيه تگـلچ
وأنتي تگولي ياحـياتي ارقيه

حـــدر العــــبايه يلتقن
مولاتي وي بت الحسن .. يــم الخدر
زينب تنــــومچن سوى
من المـــدينه النيـــنوى .. الحد الجمر

مولاتي ياشريفه ...

"""""""""""""""""""""""""""""""""""'''''''''''

نـــــــار وأجيــــتچ واللضا
يچــويني أي والمـــرتضى
مــــولاتــي أرزقــــني رزق
كون أغفى بحضان الرضا

رايد زيــــاره والأمـــــر يتسهل
حلفچ بذاك الضعن والمحمل
هايـــاكريمه والگــــلب يتوسل
گلبچ حنين وبالـــكرم يتجـمل

هــــذا الأمر يمـــچ بقه
يالبعشگ انتـــــي الثقه .. انتي الوفه
بشباچ ابو محـمد أكض
مولاتي ارزقيني الفرض .. والــعاطفه

مولاتي ياشريفه ...


عبد زينب
محمد الابراهيمي

لحن(مولاتي ياشريفه)
بصوت
سيد سلام الحسيني
كربلاء